RSS訂閱 環球股市造好，加上花旗國繼續落實救助企業措施，恒指今早一度再升逾４００點，落後嘅中資金融、基建股備受追捧，但部分大漲後值博率已減，與其再搵仲有得升嘅股份，博客建議將目光轉投仲未發力嘅落後行業，中資航空股就係其一。打算作中短線部署嘅缸友不妨留意下南航（０１０５５）。
瑞信早前發表報告認為，神州境內航班載客量已由５月嘅六成半，回復至上月約七成水平，基於航空股估值處於歷史低位，市帳率約０﹒７倍，相信已反映大部分負面因素，偏好以內陸航線為主嘅南航及國航（００７５３）。
瑞信預期，神州內陸航班第三季載客量會回復至７５巴仙，第四季會回復至９０巴仙，但基於國際需求復甦緩慢，預期今年整體航班需求回落５０巴仙。
另外，據攜程調查，相比起今年五一黃金周、清明，端午旅遊市場環比增幅放緩，但整體依然保持增長；國內出行嘅搜索需求和機票預訂需求已恢復至去年同期七成。踏入下半年，暑期、中秋、國慶等出遊旺假，有利神州航班運力恢復。南方航空喺內地業務比重較高，可以看高一線。
南航早前喺股東大會都表示，６月以來，南航日均執行航班１３１０班，恢復到去年同期７０巴仙以上，預計第三季度市場客流將恢復至去年同期的７６巴仙，環比第二季度將有較大提升。對於即將到來暑期，南航表示將聚焦大灣區、發力草原、高原以及西北市場。
走勢上，南航今早曾經上試６月高位約４﹒１元，料短期能博上４﹒５銀，建議現價追入，跌穿百天線（３﹒６９６銀）止蝕。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
