RSS訂閱 今日「孖屐」半日就重新企上二萬六，真係非常強勢！舊經濟佬就繼續起動，當中內房佬就比較出色，雖然已經升咗唔少，但博客睇好其中一隻有潛力「破位」，佢就係中國金茂（００８１７）啦！
首先，金茂頭半年銷售成績非常好，喺疫情肆虐下，６月份簽約銷售３７６﹒３６億人仔，增近五成七；首六個月，累計取得簽約銷售金額１０２８﹒７億人仔，已超過本年目標２０００億一半。由於一季度屬於房地產業淡季，如果下半年疫情持續好轉，經濟重新運轉，行業全年規模受影響較小，料達成甚至超越目標並不難。
再睇其他營運數據，公司嘅單位越賣越貴，銷售均價為２﹒３萬元／平方米，連續三年位列行業第一。另一方面，融資成本２２﹒６９億元，同比下降６巴仙；平均借貸成本為４﹒９４巴仙，同比下降０﹒１７巴仙。再克而瑞研究中心資料顯示，在各梯隊中，ＴＯＰ１１至３０房企降幅最大，上半年平均融資成本跌至４﹒３５巴仙，較２０１９年下降１﹒５２個百分點。反映行業有融資成本下降趨勢，有助內房企業減少融資成本及增加拿地實力。
另外，都有大行睇好，美銀就話，預期早前將金茂酒店（０６１３９）嘅私有化交易將拖累金茂盈利嘅１巴仙至２巴仙，並影響淨負債率約５％，但相信金茂擁有融資優勢，合約銷售增長亦較同業快，下行空間不大，維持目標價６﹒３銀不變，較每股資產淨值預測折讓３５巴仙。
技術走勢方面，該股上周四（２日）出現具成交量嘅大陽燭，加上近期已突破６元關口阻力，料短期能搏「破頂」，建議現價追入！跌穿百天線（５﹒３８５元）止蝕。
再者，雖然公司折讓６﹒６％配售６億股，配售價每股５﹒７銀，但由於目前板塊走勢好，加上公司基本面良好，半日收市依然站穩配售價以上，料好快就會重新「開車」。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》如何搞好家庭關係？關係破裂幾時要放手？修補關係切忌讓XX充昏頭腦！► 即睇
