魚缸博客

29/06/2020 12:00

《魚缸博客》永泰生物肝癌藥2期臨床,IPO基獲投撐,可抽!

  最近有新股熱潮持續,相信抽中康基醫療(09997)同海吉亞醫療(06078)嘅缸友相信賺得盤滿砵滿,博客先恭喜大家!但新股陸續有來,其中一隻係尚未盈利嘅永泰生物(06978),博客覺得呢隻可以一抽!
  永泰生物係神州一家細胞免疫治療生物醫藥公司,專注於T細胞免疫治療的研發達13年,公司嘅產品主要覆蓋非基因改造細胞、基因改造細胞、腫瘤多靶點治療細胞、腫瘤單靶點治療細胞等主要腫瘤細胞免疫治療產品。
  當中佢最主要研發產品就係專注醫治肝癌的實體瘤細胞免疫治療產品EAL。呢個產品屬一類非基因改造嘅細胞免疫療法,可用於早期惡性腫瘤患者,以預防接受手術治療後復發。EAL可謂大有前景,因為佢係神州首款亦係唯一一款進入2期臨床試驗的實體瘤免疫細胞產品,大家可以憧憬下呢個產品將來成功上市後為公司帶來巨額嘅收益!
  多種癌症中,永泰生物集中針對醫治肝癌,主要由於現時醫治肝癌嘅方法有限。根據神州臨床腫瘤學會2018年發佈嘅《原發性肝癌診療指南》,III期及之前的肝癌除手術外,沒有有效嘅治療手段。目前已上市藥物中,僅有兩種肝癌有效藥,但療效差,亦帶來不少副作用。再者,肝癌係神州三大頭號殺手之一,2018年新增肝癌患者人數就多達40萬人,所增新增病例佔全球總數近45巴仙。
  眾所周知,延長癌患者生存係早期治療,依家肝癌死亡率咁高因為治療方式普遍依靠後期治療。所以,如果EAL成功上市,好有機會成為治療肝癌嘅主流藥物,而細胞免疫治療產品將來亦有機會成為治療癌症主流。
  最後,該公司有內地大型藥企為股東,包括天士力(滬:600535)、太安堂(深:002433)同新開源;基石投資者就有大灣區共同家園發展基金,建銀國際、華潤集團、招商局、中國太平保險、中國銀行、粵海控股、商湯科技、信和集團及瑞佳等國際大型機構共同注資成立,估計佢哋長遠看好先會加持永泰生物!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力