魚缸博客

16/01/2020 11:59

《魚缸博客》業務獨特前景睇好,錦欣生殖(1951)可長線揸!

  近日除咗一班新經濟佬受人追捧之外,有一條半新魚毛都有突然消息出嚟。「孖屐」就有消息話錦欣生殖(01951)嘅股東折讓約4巴仙,配股約6600萬股。股東配股通常都係對前景睇淡,但係錦欣生殖上日(15日)低開2巴仙之後,竟然後市倒升逾半成,今日(16日)早市再漲逾3巴仙。博客睇,錦欣生殖長線可以吸納。
  錦欣生殖從公司自身嚟講,佢主要喺神州同花旗國提供輔助生殖服務、管理服務及輔助醫療服務。以業務來講,佢係認真有獨特性,同埋可以話係位於行業領先地位。近年因為神州嘅人口問題,政府開始開放二胎,且佢除咗助孕之外,仲可以安排你去花旗國生BB。加上近年來雖著神州經濟發展,愈來愈多人都想辦法比自己仔女出國,佢依個服務就正正食正需求。
  除此之外,都有唔少大行睇好佢前景。就喺今個月瑞信就發報告指,錦欣生殖計劃今年將係老撾建設新的人工受孕中心並投入營運,另外都會繼續收購神州一、二線嘅業務,而喺花旗國併購策略目標為上游機構,可捕捉整個價值鏈。雖然下調咗佢嘅目標價到14﹒88銀,但係評級仍然係「跑贏大市」。而招銀國際就話其內生增長強勁,並有豐富嘅併購機會,預計公司2018年到2021年會有複合增長,首予「買入」評級。
  從公仔圖睇,錦欣生殖由15﹒3銀嘅最高位,觸頂後回吐到10﹒4銀,佢調整幅度都有成三成二,相信已經消化得差唔多。最近佢再次係低位反彈,有結束下降軌道,向上突破的跡象。在今日佢股價重上五十天線(約13﹒068元)且破保力加通道頂線,料其近期動力可續,可上望到15銀。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力