《魚缸博客》今日大市叫做升返少少，暫時都係個二萬點上落，照睇個勢都好似唔係幾穩，
起碼升上２０２００至２０５００先叫樂觀，大家都憧憬中港通關點樣「帶旺經濟」，不過睇個
市走勢好似唔係幾賣帳。
市場無咩好炒，但反而見到隻昊海生物科技（０６８２６），曾經都一時風頭無兩，股價高
見過１５０蚊，而加就跌至３０幾蚊。不過呢兩日有消息指，控股子公司深圳新產業角膜塑形用
硬性透氣接觸鏡產品（ＯＫ鏡）獲得醫療器械註冊批准，今日一下股價升兩成六，差小小就升穿
埋４０蚊。
呢隻昊海生物科技其實係２０﹒４銀見底之後，已經做過兩輪升浪，今日重裂口高開抽升，
配合埋大量成交，睇拍炒勢未必一日炒完，呢幾日有機會再炒上去，如果突破４２蚊阻力位則可
以睇高一線。
博客經常講，呢類消息股炒賣，從來都係不理性，所以建議都係小注買入較佳，不過照計向
下機會。昊海生物科技主要行醫美路線，之錢熱炒玻尿酸紅利，不過國家國策令到「醫美三劍客
」市值大幅抽升，但係股價嘅嘢有跌就有升，有消息咪憧憬下先囉！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
