《魚缸博客》噚晚道指１２連升斷纜，加上今朝內地官方公布製造業ＰＭＩ好過預期，香江
魚缸高開１０８點，但之後升幅有所收窄，繼續去番廿天線（２３７４８左右）水平。
賭仔澳博（００８８０）上年少賺近６巴仙去到２３億，畀野村話佢ＶＩＰ業務勁，但中場
唔多掂，降佢目標價去到８﹒３銀，上晝曾碌低近４巴仙；相反藍戰士銀娛（０００２７）就好
勁，多賺５１巴仙去到近６３億，派特別息２６仙，今朝踢高近４巴仙，高盛、瑞信、摩通同野
村等等都升目標價。
根據馬交博彩監察協調局，最快今日會有賭收，一於望埋２月賭收先，畢竟上個月條數甩甩
哋，略為差過預期。若果最終條數ｏｋ，換走澳博入銀娛正路Ｄ；連賭收都唔掂的話就咁賣走澳
博算，個市弱弱哋，揸多Ｄ現金好過。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
