《小傳日記》隔晚特朗普旗下嘅特朗普媒體（Ｔｒｕｍｐ Ｍｅｄｉａ ａｎｄ
Ｔｅｃｈｎｏｌｏｇｙ Ｇｒｏｕｐ，ＤＪＴ）傳出要收購加密貨幣公司Ｂａｋｋｔ。消息一出
，兩間公司嘅股價頓時如火箭般飆升，Ｂａｋｋｔ美股盤中多次臨停，收市大升１６３﹒０４％
至２９﹒７１美元，並觸發熔斷，盤後繼續漲超１４％；而ＤＪＴ都唔示弱，收市升
１６﹒６５％至３２﹒７８美元。
ＤＪＴ大家都好熟，講Ｔｒｕｍｐ Ｔｒａｄｅ個陣成日提到，但究竟係何方神聖？睇返資
料，Ｂａｋｋｔ成立於２０１８年，由紐約證券交易所擁有者洲際交易所創建，乍一聽好似大有
來頭，可實際嘅業績就有啲拿不出手囉。
Ｂａｋｋｔ長期以嚟都喺虧損嘅泥沼度掙扎。今年３月，Ｂａｋｋｔ就已經俾紐約證券交易
所警告過，話佢哋公司已經連續至少３０個交易日嘅平均交易價格低過每股１美元嘅最低價格，
面臨被摘牌嘅風險，Ｂａｋｋｔ隨即「１合２５」，暫時鬆一口氣。Ｂａｋｋｔ喺最新嘅財季報
告度提到，集團總收入雖然有３﹒２８４億美元，但係營業虧損都去到２７４０萬美元，不過相
對上年嚟講，虧損已經收窄咗接近一半嘞。
正面啲睇啦，ＤＪＴ收購Ｂａｋｋｔ其實都有唔少著數嘅。首先，宜家加密貨幣市場俾特朗
普搞到好熱鬧，自特朗普勝選後，加幣貨幣一路炒高，甚至炒到９萬美元嘅天價，市場仲預期，
特朗普會出台利好加幣貨幣的政策，好多公司都想入場分一杯羹。並且，ＤＪＴ本身主要搞社交
媒體平台Ｔｒｕｔｈ Ｓｏｃｉａｌ，業務始終比較單一，抗風險能力唔夠強。如果成功收購
Ｂａｋｋｔ，唔單止可以食住特朗普自己吹起身嘅東風，同時多元化嘅業務布局可以令公司嘅未
來發展多幾條後路，唔使擔心一條路走到黑喇。
但問題係世上虛幣公司千奇百怪應有盡有，點解ＤＪＴ偏偏選中Ｂａｋｋｔ？呢個時候，背
後嘅人際關係就不得不拎出嚟講講。原來Ｂａｋｋｔ嘅前首席執行官Ｋｅｌｌｙ
Ｌｏｅｆｆｌｅｒ同特朗普嘅交情相當深，以前甚至做過特朗普就職委員會嘅聯合主席。
商業社會靠人情靠人脈係正常不過嘅事，不過特朗普即將再次成為地球上最大權力嘅人（之
一），猶如神話故事入面可以點石成金嘅邁達斯，難免予人瓜田李下嘅感覺，不過特朗普「侵粉
」夠晒忠心，斷估唔會影響到佢喺好多美國人心目中嘅「ＭＡＧＡ」英雄形象。至於我哋呢啲投
資者係咪應該跟風呢，睇番事件本身，ＤＪＴ季度收入只得１００萬美金，實際業務存疑，而家
就話去收購一家尚未賺錢嘅虛幣交易平台，嗯……呢啲賺錢機會筆者就真係敬謝不敏喇，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
樂本健【年度感謝祭】維柏健及natural Factors全線2件7折► 了解詳情
