最新評論  |  
國金點評  |  
中國點評  |  
港股點評  |  
期貨/商品  |  
窩輪/牛熊證  |  
ETF  |  
外匯  |  
基金  |  
強積金  |  
地產  |  
圈中人語  |  
最愛專欄

加入最愛專欄

作者為資深投資者。

15/07/2020 11:48

《古臣周記-古臣》A股全面進入「健康牛」,下一爆升或係內險股

  俗話有講「五窮六絕七翻身」,A股今年經歷咗一個不太「五窮六絕」後,一進入七月就好似打開咗某個開關掣咁一路猛漲。除咗上証綜合指數企上3100點,仲連續有七個交易日總成交額突破萬億,孖屐齊呼A股全面進入「健康牛」!今次嘅牛市同之前有咩區別?又可以持續幾耐?內險股會唔會再迎來一次爆發?

*內險股集體大漲3大因素支持*

  喺上半年嚴重落後嘅內險股,進入7月初突然迎來一場難得一見嘅暴漲行情,國壽(02628)連續3日領跑恒指,眾安在綫(06060)更創下兩年高。A股方面更熱烈,3日國壽(滬:601628)罕見漲停。孖屐認為內險股集體大漲主要有三個被動因素,其一,係孖屐風格開始轉變,喺今年上半年孖屐多追捧新經濟股,因此目前該類股估值高,並轉向吸納一些估值更低嘅藍籌,當中內險更係首選;其二,內地近期公布嘅經濟數據勝預期,反映經濟復甦速度令人滿意,資金偏好改善,股市大漲,債券市場收益率亦在回升;最後,則是內險自身基本面好,疫情過後業務開始恢復並回升,此外,長遠看隨著人口老齡化,神州養老金制度必然出台,利好整個內險行業。

*證券商齊唱A股進「健康牛」*

  睇住近期A股猛漲,唔少人開始將今次嘅情況同2015年A股嘅大牛市作對比,但係神州券商就話今輪牛市係「復甦牛」,係一隻「健康牛」。不過,睇返相關數據,A股喺今年嘅表現係十分亮麗,7月上證企上3100點大關,連續有7個交易日兩市總成交額破萬億。如果對比世界各地嘅魚缸表現,A股創業板跑贏全球,上半年增長35巴仙;而排第二嘅係深証,漲15巴仙;連近日連破頂嘅花旗國納指只係以升一成排第三。以往「孖屐」對牛市嘅確定係睇估值,其特徵係偏離估值中心嘅上端,資產泡沫化。但對比2015年A股大牛市近20倍嘅估值,現時A股估值只是約15倍,仍處於較低嘅水平。再講,現時A股市場同當年嘅情況更是大大不一樣,上市公司質量有提升、監管體制更加完善、投資者結構更加成熟,特別係機構投資者嘅比重有明顯提升,2015年外資淨流入294億人仔,依家則係1767億人仔。所以,中金喺近日報告就話,A股總市值喺未來5至10年有可能翻倍。
  再講下今次所謂「健康牛」。現時支持「孖屐」上升動力來自流動性泛濫,各國為緩解疫情對經濟嘅衝擊皆實行寬鬆嘅貨幣政策,並預期會維持一段較長嘅時間,神州經濟數據遠勝預期及多重體制改革紅利正逐步釋放。因此,部分券商認為A股喺未來3至6個月仍會繼續走牛。A股繼續走牛,對內險都係一個爆發機會,保險資金喺股市中嘅配置,將會為保險公司帶來大量收益,主要神州壽險公司大約9至13巴仙嘅投資資產投放喺權益類孖屐。其次,債券市場收益率回升,都緩解咗保險資金配置喺固收資產上嘅壓力,有望提升今年保險資產端投資收益水平。

*內險估值仍低,留意平保國壽*

  經歷今次「疫市」,內險股基本上回吐晒上年嘅累計升幅,今年以來唔少內險股嘅市盈率都下跌到不到10倍,龍頭平保(02318)暫PE僅9﹒38倍,國壽暫8﹒39倍。目前內險行業估值仍然低於歷史平均內含價值倍數,假設從內含價值中剔除有效價值,國壽、新華保險(01336)及太保(02601)的內含價值倍數僅接近於1倍甚至低於1倍,保險板塊的估值較低。另外,H股內險股股價與香江魚缸有很大關聯,目前香江魚缸嘅表現亦落後於其他魚缸,反彈嘅空間仲有不少。
  隨住經濟逐步復甦,加上內險保單數據喺第二季皆有復甦嘅跡象,相信內險有潛在嘅巨大上升動力。阿臣當中睇好兩隻龍頭股平保及國壽。平保近日管理層有大變動,料將會強化公司長期競爭力,若回調到廿天線(約82﹒2銀)附近可以部署。而國壽喺新業務價值有較高嘅上升空間,若回落到18銀附近都可以考慮吸納。阿臣個倉其他股份本周維持不動。

  表列部分內險股市盈率比較:

  股份             上日收市價    年初至今升跌幅  市盈率(倍) 
 ----------------------------------------
  中國太平 (00966)   14﹒82元   -22﹒08%  6﹒032
  新華保險 (01336)   32﹒20元   + 0﹒75%  6﹒139
  中國人保 (01339)    2﹒68元   -13﹒83%  4﹒781
  中國再保險(01508)    0﹒94元   -23﹒58%  6﹒063
  中國平安 (02318)   87﹒25元   - 3﹒78%  9﹒384
  中國財險 (02328)    6﹒65元   -25﹒20%  5﹒483
  中國太保 (02601)   24﹒70元   -15﹒96%  7﹒230
  中國人壽 (02628)   19﹒10元   - 8﹒39%  8﹒396
  眾安在綫 (06060)   48﹒70元   +73﹒31%  N/A
 ----------------------------------------
  *市盈率截至7月15日早上11時,其他資料截至7月14日收市

  表列截至7月15日阿臣投資組合表現:
 
  股份      股數     平均買入價(元)   現價(元)   總值(元)
  ---------------------------------------
  港股: 
  SPDR金ETF  10股  1097﹒00  1318﹒50   13185
  平安好醫生    200股    52﹒90   117﹒00   23400
  阿里巴巴     100股   176﹒00   241﹒00   24100
  微盟集團    2000股     4﹒55    11﹒06   22120
  三一國際    2000股     4﹒11     3﹒75    7500
  港交所      100股   264﹒50   355﹒60   35560
  ---------------------------------------
  股票市值    :  125865元
  剩餘現金    :  101086元
  組合淨值    :  226951元
  組合本月收益表現:  + 4﹒0%(截至上月底止組合淨值:218206元)
  組合累計收益表現: +116﹒1%(本金105000元計)(2016年8月開倉)
 
  *數據截至今日11:15am

專家陣容
顯示更多
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力