最新評論  |  
國金點評  |  
中國點評  |  
港股點評  |  
期貨/商品  |  
窩輪/牛熊證  |  
ETF  |  
外匯  |  
基金  |  
強積金  |  
地產  |  
圈中人語  |  
最愛專欄

加入最愛專欄

作者為資深投資者。

27/03/2019 11:31

《古臣周記-古臣》QQ業績「好壞參半」,短期只宜炒下波幅!

  QQ(00700)上星期四(21日)收市公業績,一如缸友所料維持唔到高增長,部分數字較差,亦有啲好過「孖屐」預期,整份成績表勉強叫「好壞參半」,股價都係無咩起色。今個星期仲因為魚缸氣氛轉差,加上大股東Naspers擬公拆業務上市變相減持QQ,隻企鵝即時穿埋十天(約29004元)同廿天線(約28884元),短期走勢唔通都要同大象(00005)一樣無運行?不如等阿臣講下呢份成績表有咩都要注意先。
 
*QQ非通用會計準計年度純利好過預期*
  
  QQ今次份成績表唔合預期嘅地方,就係佢嘅純利,上年賺787﹒19億人仔升咗約10巴仙遜孖屐預期,而單計上年第4季盈利,按年及按季就更加要倒退32巴仙同39巴仙到142﹒3億人仔。
  不過,看官有留意阿臣上次講QQ第三季業績時都知,睇呢類新經濟股,要睇嘅應該係用非通用會計準則(non-GAAP)計出來嘅純利,因為當中排除咗現金項目同併購交易所產生嘅影響,能夠更加真實咁反映現時經營業務嘅表現。睇返QQ上年嘅以非通用會計準則計嘅純利,全年盈利有774﹒69億人仔增長近19巴仙,貼近各大行之前預估嘅上限。不同會計準則計出來盈利有咁大嘅差距,QQ就話主要係因為上年第四季為QQ音樂上市而付出嘅21億非現金支出,相比前年末季因為反映咗易鑫(02858)、搜狗同SEA上市,而錄得大額已變現出售收益,就令到今年純利咁差。所以QQ上年份成績表其實係「好壞參半」。
  
*手遊收入貢獻下降,其他業務開始爬頭*
  
  細睇QQ今次呢份業績嘅各項細節,遊戲收入就連續第二季下跌,第四季再跌6%到242億人仔;手遊業務上年收入778億人仔按年增加24巴仙,第四季手遊收入190億人仔按季亦增加12巴仙。由神州恢復批出遊戲版號之來,QQ暫時有8款遊戲獲批,其中「食雞」《絕對求生》仲未有進一步消息,不過QQ喺業績記者會都有講到,唔排除透過修過內容嚟獲得版號。
  不過,QQ王牌手遊業務《王者榮耀》開始後勁不繼,最新伽馬數據本月14號發表《2019年2月移動遊戲報告》嘅時候,特別追蹤《王者榮耀》嘅流量,發現遊戲上個月喺所有平台的下載量按年都大減55巴仙,而今次呢份業績亦揭示手遊業務佔整體收入貢獻首次少於30巴仙,反映其他業務開始爬頭。

*雲業務市佔率逾一成半遠低於阿里巴巴*  
  
  阿臣講緊嘅係令到大家眼前一亮包括雲業務、支付收入嘅統稱喺其他業務嘅範疇,其中呢個範疇第四季收入有242億人仔增幅達19巴仙;但業績報告內亦有提到喺整個其他業務嘅範疇上,收入成本喺第四季亦有10巴仙嘅按季增長至497億人仔,令到QQ喺第四季嘅收入成本佔收入比例上升至59巴仙,大摩就話到相關嘅投資成本高於預期。  
  據現時花旗國市場研究機構Synergy Research Group嘅研究,QQ喺神州嘅雲業務市佔率有16﹒5巴仙,比起阿里巴巴嘅40﹒5巴仙有一段距離,不過單計收入去睇雲業務的確保持高增長,其中QQ上年雲業務收入就有一倍增長到91億人仔,而阿里雲亦有91巴仙增長到214億人仔,但缸友都要留意做雲業務嘅公司愈來愈多,而且阿臣諗如果真係因為雲業務而買相關股份,點解唔直接買阿里巴巴仲穩陣呢?  
  今次呢分成績雖然畀各間大行唱好,不過其實大摩都有講過幾個QQ未來嘅風險,其中就講到神州經濟增長放慢可能會影響企業投放喺廣告嘅預期、其次社交平台同娛樂方式改變,前車可鑑應該就講緊Facebook啊!
  以現價去睇,QQ都應該到咗合理值,而收到份成績表之下,就算喺各大行護航下都無咩大升幅,今個星期都係同魚缸一齊上上落落,加上最新傳出大股東Nasper會分拆互聯網業務上市,變相再減持QQ。QQ短期可能都要等下一波遊戲版號出台先再有上升嘅催化劑,現時炒下波幅就算喇,如果彈上星期五(22日)嘅位置(近370銀)就要走人喇。
  
*潤電減息兼業績差過預期,斬纜不留情*
  
  經濟放緩嘅憂慮再次籠罩住全球,攪到環球魚缸都嚟個大跌,魚缸星期一(25日)就跌近六百點,係兩個星期以來嘅低位,滬深股通更加單日淨流走107億人仔,係歷來規模第二大。不過睇返公仔圖啊,現時50天線(28245點)已經升破250天線(28097點),形成「黃金交叉」,缸友們可以觀望埋今個星期幾隻內銀佬嘅業績如何,因為睇埋成個恒指成分股,似乎暫時只有內銀佬未被炒起,如果今個星期內銀佬業績造好,隨時可以令魚缸上返二萬九嘅關口,當然中美貿易開會傾成點,缸友都要留意啦。
  個股方面,潤電(00836)上星期放「核彈」,連阿臣都此料不及,上年淨利潤39﹒5億銀減少14﹒6巴仙,遠低過「孖屐」預期,更加大獲係守唔到三年穩定派息嘅承認,今年末期息20﹒3仙,比上年大減73巴仙,無預警減派息下,令到佢上星期五下畫一開市已經唔見一成,阿臣見到當然急急腳沽啦,現時息率已經跌到2﹒8厘,7厘息俱住矣!
 
  表列截至3月27日(11:00am止)投資組合表現:
  
  一周買入╱賣出股份
  ----------------------------------------
  股份      每股作價    數量    計及手續費後金額     盈╱虧
                                   (不計手續費)
  ----------------------------------------
  買入:
  華潤電力   12﹒38元  4000股   49449元   (11600)
  ----------------------------------------
  股票市值      :     0元
  剩餘現金      : 95940元
  組合淨值      :145389元
  組合本月收益表現: - 6﹒24%(截至上月底止組合淨值:155070元)
  組合累計收益表現: +38﹒47%(本金105000元計)(2016年8月開倉)
 
  *數據截至今日11:00am

全新etnet健康網購,送你【健骨維他命D3(1000IU)】乙樽(價值$108)► 立即行動!

專家陣容
顯示更多
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力