• |
  • 極速報價
  • |
  • 會員
  • 產品服務 / 串流版
  • 設定

08/06/2017

同事啊,求你唔好同我慶祝生日!

  • 加入最愛專欄
  • 收藏文章
  • 玄米米

    玄米米

    生於1月18日,外在人格更傾向水瓶的山羊女。表面活潑、接受新事物,人際關係得心應手;實情內裡木木獨獨、抗拒social,寧願少一事也不伸張正義的中環OL。

    花生味辦公室

  生日食蛋糕,很多人應該從求學時期已經有所體驗。有人買蛋糕和你慶祝生日,原本應該是一件值得高興的事。但在辦公室,卻不是那回事。有同事同你慶祝生日,卻寧願沒有人記得?你又有沒有試過?

 

  話說上個月玄米米已經吃了四次生日蛋糕。生日的不是我,而是四位不同的同事。頭兩次搞手前來邀請我一起夾錢買生日蛋糕,心裏都沒有太大抗拒。直到有第三次夾錢買生日蛋糕起,便開始產生厭倦。當然,隔離位同事也有同感。 

 

 

  「吓?又夾?今個月已經夾咗第三次蛋糕喇!」 

 

  「係啊,到Calvin生日啊嘛!」 

 

  「唔夾得唔得啊?個個星期都食蛋糕,想肥死人咩? 」

 

  「算啦,念在佢係你生日嗰陣都有夾錢買蛋糕同你慶祝,食埋今個星期先減啦! 」 

 

  結果,我和隔離位同事天真的以為第三次是最後一次,和Calvin慶祝了!怎料一個星期之後,搞手4號又再邀請我們參加慶祝活動。 

 

 

  「今日係阿姐生日啊,我同Idy買咗蛋糕,一陣間一齊嚟食啦!」(靜悄悄地)

 

  「阿姐就冇辦法啦,咁幾多錢啊?」 

 

  「蛋糕$380,仲買咗支香檳$400,一陣湊夠人數先至再計數啦!」

 

  「仲買香檳?」 

 

  「冇辦法啦!因為佢係阿姐嘛!係要高級啲,高貴啲架啦!」 

 

  然後,我們又死死氣夾了錢,和阿姐慶祝這個不能說的秘密。其實,偶爾夾幾十蚊和同事慶祝生日,的確可以和同事培養情趣和改善關係,但最怕是要和一些「只是合作過、無太深交情」的同事慶祝!平時見面最多都只是點個頭,如今要夾錢慶祝生日?作為夾錢事主,你不願意地夾錢,不真心地浪費時間為對方慶祝,自然會產生厭惡感;作為壽星仔,一方面怕阻到某些人,另一方面又要還人情債,他日到你生日,又到自己淪為受邀者,名副其實的惡性循環。 

 

  第二,慶祝還慶祝,買禮物前都要同人通知聲、問下人地意願!就如阿姐的case,買蛋糕都算了,但無神神買了香檳,要大家夾錢。雖然說「阿姐生日驚喜」確是由他策劃,但內容及洗費卻不問參與者,要其他同事硬食,真是苦了一班夾錢供他擦鞋的同事。 

 

 

  所以在辦公室,有時真的寧願同事無視或遺忘自己生日。至少可以減少「因佢有幫我慶祝過,禮貌上都要回禮」的問題。至於,有關不熟同事或是阿姐的邀請,其實簡單一句:「我唔洗啦,你地食啦!」,搞手都會識做不把你計算在內。當然,「拒絕」是需要膽量的。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經 ‧ 生活App獨家「銀行匯率比較」功能 立即下載 iOS/Android

我要回應

你可能感興趣

  • 生活副刊
  • DIVA
  • 健康好人生