• |
  • 極速報價
  • |
  • 會員
  • 產品服務 / 串流版
  • 設定

12/03/2020

【疫情世情】疫情中見真性情——陽光的、陰暗的、奇情的……

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    玄來更精彩

    本欄逢周四更新

  重災時期衍生重口味故事。

 

  一卷難求的日子,人龍搶購廁紙,截隊至第36號。

 

  隊尾阿婆非常失望,走過時擲下重重一聲長嘆。此時36號急不及待炫耀其「紙上富貴」:「我早有準備,屋企有四十多條廁紙!」

 

  「你咁多廁紙,用嚟做紙棺材呀!」前面35號師奶大罵。

 

  阿婆問36號:「你好心讓一啲畀我啦!我已經用報紙嚟抹咧!」

 

  「我點知夠唔夠用㗎。」36號答。

 

  「收埋咁多廁紙,你小心生痔瘡呀!唔係使乜儲咁多卷吖?」35號繼續發炮。

 

  全條龍的眼睛Bare住36號,她只好割愛。

 

  廁紙難求,口罩更缺。

 

  一豪門管家為親友撲口罩,弄到日夜顛倒,因為要請求加拿大、美國、巴西、土耳其、印尼、印度等地的朋友代購,已經兩天沒上班,老細WhatsApp問幾時返,她答:「唔知!」吹脹!

 

  她終於回到工作崗位時,少主人眼光光望住她,看她有甚麼解釋。

 

  老主人識做,知道無她不行,向兒子說:

 

  「幾時返都冇所謂啦,總之你唔好喺屋企祼跑就得啦!」

 

  「喺囉,我出現就係返工,唔出現就係放假!」管家強勢過香港政府。

 

  女人之強勢,在疫情中甚能體會。

 

  入夜,連鎖店的顧客明顯疏落。

 

  一名有膽無罩男子推著一大堆「戰略物資」到收銀處。

 

  收銀小姐一枱頭,認出是舊情人。

 

  「肥仔熊,係你?」

 

  「嘿!小玲……近來好嗎?」

 

  「過得去啦,你呢?」

 

  「普普通通啦……當時我年少輕狂,係我對唔住你。」

 

  「唔好講咧,你走啦,唔使畀錢。」

 

  「你使唔使填數架?」

 

  「我有辦法,你走啦。」她罩上的眼睛流露出滿滿的情意。

 

  男士重逢舊愛,兼有嘢送,正在飄飄然,誰料走到門,警鐘狂鳴。

 

  「佢係我舊女友,佢話唔使我畀錢㗎。」他忙向抓住他的警衛解釋。

 

  「我都唔識佢,佢趁我數錢走咗去,報警拉佢啦!」小玲說。心中想:女人報仇,十年未晚!

 

  世界有因果,欠情債的、抬物價的、令人慌的,最終都要還。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全城注視!銀行定存比較神器,助你搵到最佳息率!► 立即了解

我要回應

你可能感興趣

放大顯示
風水蔣知識

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ