• |
  • 極速報價
  • |
  • 會員
  • 產品服務 / 串流版
  • 設定

28/11/2019

【桃花運】當拍拖星「跌落廁所」!

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    玄來更精彩

    本欄逢周四更新

  人家桃花開在春風裏,她卻桃花開在廁所裏!

 

  究竟這桃花有多不合適呢?這要由小桃與伯母的首次會面說起。

 

  小桃在上一個玄學課程,一男同學說家中有本很好的參考書可以借給她,並相邀下課一起回家,當他在房中找書時,伯母劈頭便說:

 

  「你唔啱我個仔。」

 

  「伯母,我只係上嚟借本書咋。」

 

  「哼!借書?而家係食飯時間喎!小姐,點稱呼呀?」

 

  「Peach」

 

  「我唔識英文。」

 

  「我叫……」

 

  「唔使全名,講姓得咧。」

 

  「我姓洪,咁伯母你又貴姓呀?小桃開始『還拖』。」

 

  「你唔需要知道我姓乜,反正我哋以後都唔會再見。你咁惹火,唔啱我哋呢啲正當人家。」

 

  小桃雖然身裁出眾,但當日是樽領冷衫襯長褸長褲,密實到不能再密。

 

  男同學找到參考書,卻發現大廳兩個女子正在互「啤」,空氣中彌漫著火藥,他心知不妙,一面趕快送小桃下樓,一面賠不是:

 

  「小桃,你唔好嬲啦!」

 

  「你阿媽唔係地球人!」小桃氣沖沖地答。

 

  「畀次機會我吖!」

 

  「你阿媽唔使凶我,你唔係我杯茶。」

 

  「你而家唔接受我,但我係唔會放棄嘅。」

 

  「你係百分之一千冇機嘅。」

 

  「唔等你我冇得結婚,等你我都冇得結婚,咁我揀等你咧!」

 

  「我有乜好啫?火爆、潑辣、寸!」

 

  「就係因為咁!我拍過四次拖,都係畀阿媽攪禍,我覺得你一定可以砌低我阿媽嘅!」

 

  原來他想找個強勢外援,不過小桃冇佢咁好氣。

 

  這次的垃圾桃花,小桃歸究於廁所!原來今年的拍拖星剛巧跌落她家的廁所,因此咁「濕滯」。小桃打算搬屋,搵番個鮮麗桃花位;總之,寧惹火不惹塵,唔做孤獨人!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全城注視!銀行定存比較神器,助你搵到最佳息率!► 立即了解

我要回應

你可能感興趣

放大顯示
師傅靈靈法

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ