• |
  • 極速報價
  • |
  • 會員
  • 產品服務 / 串流版
  • 設定

20/10/2020

客串孭飛4集音樂節目 盧巧音做主持壓力大

  • 加入最愛專欄
  • 收藏文章

  【晴報專訊】盧巧音(Candy)早前為ViuTV音樂節目《Chill Club》擔任嘉賓,跟趙學而合唱一曲《垃圾》,引來極大回響。事隔數月,兩位「謝霆鋒舊愛」再次碰頭,昨午一齊以主持身份錄影新一集節目,Candy表示有好玩的地方,但亦會感到壓力。

 

盧巧音表示疫情期間積極寫新歌。

趙學而

 

  盧巧音昨日在九龍灣錄影《Chill Club》,「升呢」孖趙學而一齊擔任主持,嘉賓有李幸倪(Gin Lee)、組合Dear Jane及洪嘉豪。Candy今次分別同趙學而、音樂總監鄧建明合唱,她認為上次合唱未夠完美,並表示︰「上次跟學而合唱之後,出面有好大回響,今次再同佢合唱《漩渦》。我會擔任四集嘉賓主持,其實我都有啲壓力,因為我講嘢唔係咁叻,但係我會盡力,學而同羅敏莊反應好快,我就比較鈍。(會否向老公Kolor主音Sammy請教一下?)其實大家都係咁上下。」

 

  提到日前剛度過46歲生日,Candy透露當晚太夜收工︰「我都係喺屋企慶祝,老公不嬲都無乜驚喜,切完蛋糕,佢就去瞓覺,我去落粧,然後沖涼休息。我平時只食水果,食蛋糕已經好放肆。(有無收花?)我比較鍾意自己買,禮物都唔使啦,不如將啲錢捐出去更有意義。」

 

Gin Lee新歌悼念愛貓

 

Gin Lee希望年底可以舉行小型音樂會,跟樂迷見面。

 

  Gin Lee最近頻頻開Live,她透露下月中推出新碟,昨午在節目中獻唱了為離世愛貓而寫的新歌《開燈熄燈》,她說︰「好緊張,因為錄音同喺屋企練歌時都爆喊,MV睇一次喊一次,我驚演出嘅時候唱到喊,不過都唔緊要,真情流露嘛。」她又計劃舉行小型音樂會,「但都要視乎疫情,我好想聽到觀眾嘅尖叫聲同埋掌聲。」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ