【晴報專訊】曾活躍樂壇的鄭中基（Ronald），由醉酒鬧事的壞孩子近年變身暖男爸爸，他早前為港台第二台的節目《音樂說》任嘉賓，暢談入行20多年的人生起跌。Ronald自爆早年在電視台遇上「潛規則」，令他反思歌手的定義︰「以前好唔明白，去某台客串劇集、做個節目，就有更大機會入圍樂壇頒獎禮。」刻意向聽眾大派花生。

　　早前Ronald接受舞台劇演員王耀祖主持的全新電台節目《音樂說》訪問，節目於昨晚及今晚凌晨12時播出，Ronald在節目中剖白入行至今的人生高低潮。身為前寶麗金高層鄭東漢的兒子，Ronald不諱言從小已見過已故歌后鄧麗君、歌神許冠傑等大明星到家中食飯兼夾歌，可謂擁有一個非凡的童年。鄭中基於96年與張學友合唱一曲《左右為難》踏進樂壇，其後的《人若然忘記了愛》及《無賴》等歌曲，令他在香港樂壇爆紅，亦助他在多個本地樂壇頒獎禮贏得獎項。

（前排左起）梁漢文、鄭中基及方力申在06年及09年主持兩輯《美女廚房》，是不少觀眾的集體回憶。

　　不過，回想前塵往事，Ronald卻有另一番感受︰「我無諗咁多圈內『政治嘢』，以前好唔明白，去某台客串劇集、做個節目，就會有更大機會入圍樂壇頒獎禮，我唔識呢啲遊戲規則，只係諗如果我好叻呢啲手段，係咪唔使唱得叻都得？」

感激劉偉強雪中送炭

鄭中基在電影《不死情謎》曾與袁偉豪（中）合作，當時二人仍然在娛樂圈掙扎求存。（網上截圖）

　　Ronald指作為過來人，現時與年輕人或新人合作，會叮囑他們專注創作。他又在節目中以學友名曲《屈到病》揶揄自己，形容那個時期，在音樂以外要開始拍劇，令他思緒混亂，以致放工後常約朋友喝酒訴苦。Ronald於2000年在航機上醉酒鬧事，令他形象插水，間接摧毀如日方中的音樂事業。

鄭中基在王耀祖（右）的新節目中重提舊事，坦言當年唱歌以外要抽時間拍劇，令他感到迷惘，結果借助酒精麻醉自己。

　　重提舊事，鄭中基不諱言當時的唱片公司放棄了他，可幸他在美國進修時，獲名導劉偉強伸出援手。Ronald稱︰「當時佢話，你都無嘢撈㗎啦，返嚟拍戲，我畀兩個角色你揀。」那正是01年由黎明主演的電影《不死情謎》，其後Ronald繼續在電影圈「有嘢撈」，更陸續有《行運超人》、《龍咁威》等代表作，發掘出他的搞笑天份。現在他不單為ViuTV拍新劇《暖男爸爸》及唱主題曲，亦有為電影《靈魂奇遇記》做配音工作，更開設YouTube頻道做KOL，真係百足咁多爪。