【晴報專訊】無綫新劇《木棘証人》今晚接檔《C9特工》首播，一向在粉絲心目中睇得又打得的羅仲謙（謙仔），相隔四年回歸TVB，今次化身Hea爆沙展保護「怪叔叔」韋家雄，該劇監製梁耀堅表示︰「謙仔同韋家雄呢段關係幾搞笑，後者更以為自己愛上對方！」

　　剛播畢的《C9特工》是梁耀堅升任監製後的處男作，今次的《木棘証人》是第二齣作品集由羅仲謙、張曦雯、韋家雄及張文慈等主演，配搭新鮮。劇情由一宗槍殺案掀開序幕，謙仔飾演的沙展高力基，遇上由韋家雄飾演的「木獨」又「棘手」目擊證人李浩帆。力基被安排貼身保護浩帆，二人由陌生、抗拒到漸漸接受對方，更險些發展出hehe情。至於「宅男女神」張曦雯扮演李浩帆胞妹李頌盈，劇中是一名能言善辯的事務律師，看似是強勢女強人，但兄妹情深，出盡法寶保護有溝通障礙的胞兄。

演「恨嫁中女」的張文慈，穿熱褲色誘韋家雄，輕露纖腰，甚有睇頭。（網上截圖）

hehe情夠吸睛

張曦雯現實中是宅男女神，今次卻搖身一變成為巴渣女律師。（網上截圖）

　　日前梁耀堅受訪時，大讚與謙仔有感情線的張曦雯演得夠放︰「佢個角色同哥哥相依為命，無諗到佢演得好放，有驚喜！」提到回巢TVB拍劇的謙仔，監製稱︰「我做導演時與謙仔曾在16年的《潮流教主》合作，當時佢已經好專業，但未發掘到喜劇天份，今次佢與韋家雄於《木棘証人》都幾搞笑！」梁耀堅更直言，兩人埋位前經常研究劇本及爆肚，劇中的家雄更差點戀上謙仔。

謙仔幫助韋家雄盡早還原記憶，卻意外地發展成為最佳拍檔。

　　日前，謙仔在IG發布劇集宣傳片造勢，並留言︰「《木棘証人》沒有恩怨情仇，亦沒有槍林彈雨，但非常爆笑！」他早前接受無綫娛樂新聞台訪問時，亦透露其角色與過往有很大分別︰「我以前做警察，多數都係演幹探，好勇敢，好似一個打十個，今次則比較Hea啲，無之前咁積極，大家（睇得）比較輕鬆啲！」韋家雄也在訪問中暗示雙方關係密切︰「謙仔喺劇中好親切，自己對佢好有安全感！」