【晴報專訊】因ViuTV節目《美女郊遊遊》人氣急升的陳欣妍，與沈震軒拍拖三年感情穩定，更被拍到在元朗過着同居生活，非常甜蜜。愛情事業兩得意的陳欣妍，昨日性感拍攝美容院廣告，她默認二人同居，更開心男友見證她的事業發展。

陳欣妍自言非常為食，為曬身材拍廣告而忍口。

　　陳欣妍昨日穿上性感運動服到火炭拍廣告，大騷小蠻腰。她透露為拍廣告犧牲最愛的美食：「我平時好大食，又好鍾意食零食，仲好鍾意食飯，但為咗廣告戒食飯兩日。」今次性感拍廣告，她笑說：「為咗工作唔介意性感，尤其係拍電影，只要三點不露就ok，主要睇意識形態。」

想拍零食廣告

陳欣妍日日操肌，對身材甚有自信。

　　提到陳欣妍疫市下工作量不跌反升，頻頻有工開，又拍廣告又拍電影，她開心說：「其實都係開心價，我好滿意疫情期間仲有人搵我做嘢，有工開已經好開心。我反而想拍食品廣告，好似薯條、雪條咁。因為我真係太鍾意食嘢，惟有做運動補番數。」

陳欣妍與沈震軒愛得甜蜜。

　　早前她被雜誌拍到與男朋友沈震軒從寓所步出，兩人當時穿上街坊裝，又不時各自在社交網大曬屋企做gym情形。問二人是否已共賦同居？她默認大家一齊住，又自言拍拖三年感情穩定：「我哋拍拖一段時間，都唔係一個秘密，大家公開咗，好正常。其實我哋都成日見，無分得咁清楚，我好開心佢見證三年來我工作嘅成長，我哋初相識嗰陣，我只係啱啱出道，無咁多人認識，希望將來大家都可以focus番我嘅工作。」