【晴報專訊】馬國明與湯洛雯（靚湯）認愛後經常放閃，本周四將度過拍拖後首個中秋節。雖然他們各有工作，未能「人月兩團圓」，不過馬明已買定月餅孝敬未來外父、外母，相當識做。

馬國明在社交網Po相向劇中老婆高海寧「示愛」。（IG圖片）

　　馬國明昨日孖高海寧（高Ling）及黎諾懿等宣傳新劇《C9特工》，馬明為宣傳劇集，日前在IG上載與劇中老婆高Ling的劇照放閃，更留言「好愛Cute媽（高Ling）」，此舉引來馬明正印女友湯洛雯呷醋，留言「喊喊」表情符號示威。馬明昨日笑說：「佢（靚湯）無呷醋，只係玩下，佢公私分明。」會否私下跟女友講「好愛湯洛雯」補番數？他笑說：「唔話你聽！」

馬國明感恩與女友湯洛雯在疫情下仍工作不斷。

　　周四便是中秋節，馬明直言與靚湯當日各有工作，未能「人月兩團圓」：「阿湯要拍電影，我拍緊《兒科醫生》要趕進度，分咗AB組拍攝，不過我買咗月餅送畀Uncle同Auntie（靚湯父母），的確好老套，但我真係諗唔到送乜，哈哈！」他慶幸疫情下仍可劇接劇，不用被裁員或減薪，提到他「有工開、有女友」是人生勝利組？他即說：「唔係，大把人勝利過我，黎諾懿都比我勝利，我好妒忌佢。」

黎諾懿驚小春雞返學唔適應

黎諾懿擔心兒子上學時扭計。

　　同場的黎諾懿透露囝囝「小春雞」今日開學，他笑言早前試堂時，兒子未入校門已嚷着要走，所以十分擔心囝囝不適應。他說：「小春雞之前返預備班都喊咗好耐，希望今次一星期就適應到，我聽日（今日）會同佢講『放學買玩具』，順便當中秋節禮物。」