22/09/2020
無分手不需澄清 阿Sa擇日帶富貴男友睇新戲
【晴報專訊】鄭秀文(Sammi)和蔡卓妍(阿Sa)前晚出席新片《聖荷西謀殺案》首映禮,兩位女主角都沒邀請另一半欣賞新戲。早前有傳阿Sa與富二代男友石恆聰分手,她斷言否認,認為不需以行動澄清,又笑言稍後才相約男友睇戲。
鄭秀文(左)與蔡卓妍不約而同以低V造型現身。
鄭秀文與蔡卓妍前晚沒有帶另一半現身,也沒刻意邀請朋友睇戲捧場,Sammi表示疫情下不想打擾朋友,叫老公許志安捧場?她說:「佢自己遲啲去睇,我都會再睇。」至於傳與百億麻將館太子爺石恆聰分手的阿Sa,雖然沒邀男友出席,但強調沒有分手:「我之後會陪男友睇,今日(前晚)太多人。」她坦言不會用行動澄清分手傳聞:「無就無啦,使鬼澄清。(感情穩定?)我哋有分數,都唔係第一次,又傳結婚又傳有咗,來來去去都係呢啲,大家好成熟,唔會影響我哋生活。」
提到好姊妹鍾欣潼(阿嬌)在內地撞傷額頭,阿Sa收到阿嬌傳來的傷勢照片時幾乎嚇暈:「佢張相滿頭血,見到真係暈一暈,好彩已經拆咗綫。」她不擔心阿嬌面上留疤:「佢個傷口成條眼眉咁長,但佢後生女,痊癒得好快,疤痕會慢慢退嘅。」另外,Sammi受疫情影響,新碟延至近日才推出,可惜未能舉行簽名會。
葉蒨文被阿Lam廣告歌洗腦
已十年無入戲院的葉蒨文,特地孖林子祥現身支持導演潘源良。
林子祥(阿Lam)與葉蒨文(沙麗)罕有拍拖現身,沙麗表示疫情下多數留在家中,閒時也會做運動和行山。早前阿Lam與林德信父子上陣拍廣告,阿Lam笑說:「我算好彩,疫情下仲有廣告商邀請我同Alex(林德信)唱廣告歌。(廣告歌勁洗腦?)廣告商都想有呢個效果。」沙麗聞言笑說:「連我喺屋企都聽到被洗腦,揸車又見到個巴士廣告。」
英皇老闆楊受成(右)及導演潘源良(中)齊齊祝酒。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇