28/02/2020
為趕拍《法證先鋒IV》 陳煒48小時無沖涼落妝
【晴報專訊】新冠肺炎疫情持續,陳煒、衛志豪和莫家淦昨日到將軍澳區,向長者派發一萬個口罩,以及酒精搓手液。煒哥有份主演的《法證先鋒IV》正熱播,她笑言當時馬不停蹄趕戲,試過連踩兩日,完全沒時間梳洗。
陳煒現身將軍澳寶林邨,深受街坊歡迎。
陳煒昨日首度落區派口罩,不消半小時便派完一萬個。煒哥現時主力宣傳新劇《法證先鋒IV》,提到下周劇情發展到她與鄭子誠的感情綫,問二人可有親熱戲?她說:「我無,反而康華有床上戲,全靠佢拍床上戲嗰陣,我先有空檔返屋企沖涼同落粧,因為之前連踩48小時無落過粧。」
另外,問煒哥有沒有足夠口罩防疫?她說:「暫時都唔需要,夠用就得,屋企有一、兩盒就得。」不過她指男友陳國強的醫學美容診所,一度因口罩不足而未能開診:「過完年周圍都無口罩,我有朋友喺泰國住,喺未禁止出口前寄咗啲過嚟,男友先可以開診。」
好友分享漂白水
(右起)衛志豪、陳煒及莫家淦向長者派口罩及搓手液。
至於消毒用品,煒哥笑言多得時裝設計師好友何國鉦分享了半支漂白水給她,其他如搓手液及濕紙巾亦足夠。問到男友的診所生意有否受疫情影響?她說:「人人都有影響,少咗人嚟睇醫生,不過男友都照返診所無放假。煒哥自己不少工作亦因疫情煞停,她也不敢出埠,惟有望疫情盡快過去,大家可以回復正常生活。
轉載自: 晴報
全新節目《說說心理話》原生家庭對成長有咩影響?改善溝通有計可施?► 即睇
我要回應