【晴報專訊】陳煒、湯洛雯（靚湯）昨午錄影新節目《娛樂大家10點半》，提到兩人有份演出的新劇《法證先鋒IV》播出一星期，成績相當理想，煒哥直認在疫情影響下不敢隨便外出，選擇留在家中攬實男友一齊煲劇。

煒哥、靚湯宣傳《法證先鋒IV》，兩人對劇集收視充滿信心。

　　陳煒表示《法證IV》收視成績好，希望大家繼續支持，承認首周收視較預期高，令她喜出望外。問煒哥在家中是否與醫生男友陳國強攬住一齊睇劇？煒哥即說︰「咁當然啦，唔係仲有咩做啫！」面對新冠肺炎疫情持續爆發，可擔心醫生男友的工作環境有風險？煒哥續稱︰「其實男友每日都接觸唔同人，不過身為醫生都應該係專業，同埋佢會做足消毒，所以唔使太擔心。」

　　湯洛雯補充，近日市民大多留在家中，相信會吸引更多觀眾收看劇集，希望帶起煲劇潮。記者笑問是否要打低孫藝珍和玄彬主演的《愛的迫降》？靚湯笑言︰「咁又無話要打低，總之各有各好啦。」她又表示，家中的愛犬剛接受了大手術，因此她經常出入動物醫院，其餘時間亦留在家陪伴愛犬。

靚湯讚老竇靚仔

靚湯的父親湯鎮宗（左），被指與任達華「撞樣」。

　　此外，靚湯早前遊日本，po上「男友視角」照片令網民產生好奇，其實「神秘男友」是她的爸爸湯鎮宗，更被指與任達華似樣。靚湯回應︰「不嬲都覺得Daddy靚仔，我都希望搵到一個似Daddy嘅對象。」