【晴報專訊】無綫J2皇牌節目《#後生仔傾吓偈》近日引起軒然大波，台柱主持人陸浩明（6號）在日前一集竟爆出「香港係病毒（沙士）嘅源頭」，雖然拍檔馮盈盈已在節目中即時更正，但6號仍被網民圍攻。他闖禍後急急在IG道歉，很多電視迷力勸6號日後一定要慎言！

　　年輕人節目《#後生仔傾吓偈》於17年首播，現年40歲的陸浩明可謂該節目的開國功臣，拍檔是兩位港姐冠軍麥明詩及馮盈盈，自從麥明詩去年尾決定轉戰法律界暫別幕前，節目加入林穎彤、黃美棋等主持，繼續帶領一班年輕KOL大談時下最Hit話題。

6號經常與女友陳詩欣Po相放閃，今次失言亦連累女友被網友狙擊。

　　日前，《#後生仔》以「防疫」作主題，6號自揭在2003年沙士期間已在娛樂圈打滾，當年曾與確診沙士病人接觸而被隔離，更戲言不用工作也可以照出糧。然而，6號在節目中卻「衰多口」，竟誤稱「香港係嗰個病毒（沙士）嘅源頭」，雖然身旁的馮盈盈即時糾正補鑊，但6號的失言極速於網上發酵，儼如一場「關公災難」。

後悔無即時修正

　　及後，6號在FB抗疫影片的留言位置作出道歉，但被指有意淡化事件欠誠意，因此昨日凌晨他再急急發IG Stories向觀眾致歉，「我知道沙士源頭係來自廣州，大家截圖嘅一句，係因為當時我口快快講錯咗，其實之後我都有喺節目入面修正源頭來自一個廣州嘅教授，之後Fyy（馮盈盈）都有補充，節目入面我哋亦有提及，但之後大家再討論一陣好快就已經轉咗topic。」

做過娛樂主播的陸浩明（中），主持經驗豐富，今次可謂老貓燒鬚。（網上截圖）

　　6號承認無即時修正才令大家誤會︰「其實我意思是指沙士當年在香港大型爆發！我會自己罰抄100次『Sorry！我說錯了』。」不過，網民仍拒絕收貨，更有人要求他上《東張西望》謝罪。6號昨晨再出Po講對唔住：「因為一時疏忽，口快過腦，之後如果小弟要提及重要資訊會更加小心！小心！小心！」至於粉絲希望6號今次真心悔改；有人則鼓勵他要食平啲、也要認真啲。