【晴報專訊】男團MIRROR成員姜濤出道以來人氣愈來愈旺，前晚奪得港台「十大中文金曲」新人金獎的他更被指吸金力強。姜濤昨日與隊友江熚生（Anson Kong）出席活動時，笑言收入全交給姜媽保管，相當乖仔。

姜濤（右）與Anson Kong即場分享護膚心得。

　　姜濤與江熚生昨日到屯門出席美容零售新店開幕，吸引過百粉絲逼爆店舖，場面墟冚，有粉絲一早霸位等候索取偶像簽名。姜濤前晚奪得「十大中文金曲」的「最有前途新人」金獎，MIRROR則奪銀獎，姜濤與AK都開心獲得港台肯定，姜濤坦言去年成績超出預期，AK聞言即叫姜濤請所有隊友食飯。有指姜濤過去一年豬籠入水，他笑說：「收入全數畀晒阿媽，所以阿媽比我更清楚收入，我要問阿媽攞零用錢㗎。至於畀幾多，視乎阿媽心情，所以我唔可以同佢嗌交，會被佢經濟封鎖！」

唔敢幫女友敷面膜

現場大批女粉絲舉牌，逼爆商店門口。

　　二人談到美容心得，姜濤認為睡得多皮膚自然好，尤其入行後更要把握時間睡覺：「最長試過瞓足24小時。」AK自言平日最多只會睡八至十小時，未入行前更習慣夜瞓：「護膚全靠每日化妝之前，化妝師會幫我敷面膜，同埋一收工就即刻落妝。」AK笑言試過健身後雙手痠痛，要媽媽幫手敷面膜，問他會否幫女友敷mask？他笑說：「幫女朋友吹頭先係好sweet嘅事。」姜濤則自言即使有女友也不會代勞，因為敷面膜及吹頭十分私人。