• |
  • 極速報價
  • |
  • 會員
  • 產品服務 / 串流版
  • 設定

16/01/2020

麥玲玲:有健康就搞得掂

  • 加入最愛專欄
  • 收藏文章

  【晴報專訊】每年新春前夕,總會見到麥玲玲師傅講解來年生肖運程,她總是紅卜卜造型加上燦爛的笑容,就算流年一般、犯太歲,在她的口中說出來,總是覺得無比的正能量。當上玄學家已經有23年,原來她起初愛上玄學是因為媽媽,玲玲姐說︰「媽媽在生時都會搵風水師傅睇風水,印象中佢被批到某年紀會有一個關口,過到就有幾多歲,過唔到就只能夠幾多歲,後來發現真係講中咗,我媽媽真係某一年過身,我就諗命運到底係咪在特定框架裏面呢?可不可以超越它?於是我就跟老師去學玄學。」

 

 

  麥玲玲出道時,香港沒有很多女性玄學家,她能夠成功「跑出」原因有三,麥玲玲分析︰「第一,市面上好多師傅技術好好,大家講到同一樣嘢,但表達方法不同。在充分同清晰表達給客人這方面,我比較有優勢。」第二個原因是,當時媒體無論社會、娛樂、民生大小事情都會問玄學家,因而很快將麥玲玲的名字推上位。

 

麥玲玲認為,算命的客人多為女性,女玄學家較為理解女性思考模式,容易溝通。

 

  玲玲姐再指出另一原因︰「十多年前推出運程書的時候,出版社覺得女玄學家的書可能無人問津,但事實證明唔係,市場上需要女玄學家,因為算命的客人以女性居多,我理解女性的思考模式,比較容易溝通。」

 

教人調整心態

 

每年新春期間,麥玲玲都會應邀出席節目大講來年生肖運程。

 

  不同客人要面對人生逆境,麥玲玲表示玄學家不能夠改變事實,只是希望大家換個角度思考,她說︰「我預計聽日會落雨,但我唔可以阻個天,只能提醒大家帶雨具。算命都係同一道理,提醒客人去預備,唔係要呃人,而係用一個方式令人在心態上作出調整,唔好將目標定得太高。人人想今年賺5,000萬,但原來流年唔好,我就同客人講『唔蝕就偷笑』,客人知道後,發現唔蝕之餘仲賺到200萬,就會開心好多。」

 

  麥玲玲直言玄學家是吃力不討好的工作,就算知道婚姻會離婚收場,卻很難直接告知客人,她說︰「太殘忍啦,唔通人哋拍住拖嚟,我話你哋就分手咩?我只會提醒大家唔好信晒對方,要識得自保。就算我算到明星會離婚,我都只會提醒對方要管好自己的錢財,唔會講離婚,不過離婚唔係壞事,話唔定下次再婚嫁得更好呢!人最重要係身體健康,有健康就甚麼都搞得掂。」

 

杯中水命運論

 

  正所謂一命二運三風水,麥玲玲巧妙比喻命運,她說︰「命是一個玻璃杯,運是杯中的水,有些人隻杯好大,你做到李嘉誠個仔咪啤酒杯囉,差極都有十個傭人、廿架車,有些人隻杯細啲,功夫杯咁,就算水滿了,都係得兩層樓加一個傭人一架車,所以根本沒可能比較,比較理應係自己同自己比較。人生是自己的,鍾意做就去做,唔好理會其他人眼光。」

 

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ