【晴報專訊】周柏豪今年七月在社交網呼籲網民登記做選民，誰知惹來政治風波，柏豪更因此封口三個月。他前晚宣傳新劇《多功能老婆》時，首度開腔談到事件，提到他日前po「止暴制亂」文宣，有粉絲揚言割席，柏豪重申自己立場，並希望香港回復平靜。

周柏豪表示暴力是情緒抒發，不能解決問題。

　　周柏豪、黃浩然及洪永城（Tony）等，前晚在電視城宣傳《多功能老婆》。最近三個月謝絕傳媒訪問的柏豪，前晚「解禁」受訪，提到他早前清空所有IG貼文，近日「復出」貼「止暴制亂」文宣圖，他說︰「合適嘅時候會玩，玩社交網好攰㗎，宣傳劇集都會用，無乜特別，都係正常工作、開心生活。」日後在網上言論更謹慎？他說︰「一直都謹慎，但我明白自己價值觀，未必係所有人嘅價值觀，惟有努力做好自己，最緊要自己舒服。」

　　提到不少fans因他貼圖而割席，柏豪坦言沒有細看網民留言︰「無辦法，呢個係我立場，希望香港快啲恢復本來嘅寧靜，無人想住喺一個暴力嘅地方。」表態是否與內地工作有關？他說︰「暴力去到邊度都唔想有，香港人唔鍾意，我都唔鍾意，我自己唔希望用暴力解決問題，希望香港人能夠平安，回復開心情緒。」

洪永城認自戀

洪永城堅稱黃翠如指他「短小」只是講笑。

　　同場的洪永城提到在日前台慶騷中，被黃翠如取笑「私人部位」如尾指般短，他笑說︰「呢個係講笑，唔使太認真，翠如根本無睇過（全相），除非佢偷睇，同埋要用個好大嘅哈哈笑公仔先遮得晒！」提到他被踢爆愛全裸，他說︰「我的確好愛我嘅身體，有啲自戀，後生嗰陣瘦啲可以露，依家要搵女友做gym先敢全裸。」