30/10/2019
Deep V曬事業線 彭慧中引孫慧雪偷望
【晴報專訊】彭慧中(Phoebe)、孫慧雪(阿雪)、趙希洛及周志康等,昨日在將軍澳電視城宣傳節目《搵食飯團》,Phoebe以超低V打扮亮相,輕易成為全場焦點,連拍檔孫慧雪也甘拜下風,更大爆自己和周志康經常偷望Phoebe!
彭慧中(左)身材驕人,孫慧雪笑言自愧不如。
向來身材出眾的彭慧中,在《流行都市》經常曬美腿,引來網民熱議。Phoebe與孫慧雪為新一輯《搵食飯團》擔任主持,她們受訪時,阿雪更搞笑地不准Phoebe手持訪問咪,以免遮掩其身材。Phoebe揚言要見傳媒才穿得性感,但阿雪即踢爆說︰「佢開工都係咁着,我同周志康成日忍唔住(目及)佢!」
早餐食麻辣火鍋
周志康(右)被踢爆做節目時偷望彭慧中。
Phoebe自爆拍攝節目以來,由朝食到晚,開工時更試過一日食四餐,所以胖了十磅。她說:「以前我好fit,但發覺到咗一個年紀,就會瘦唔番。」她們表示有一次拍攝時壞機要重拍,結果當日食夠五餐。阿雪笑指Phoebe拍攝期間不停食,連放飯都繼續食:「我自己肥咗八磅,最難忘係一朝早就去打邊爐食麻辣火鍋。」
兩女因合作主持節目而成為好友,她們拍攝期間雞啄唔斷,阿雪大讚Phoebe說:「我好鍾意同Phoebe拍檔,因為佢記稿好勁,所以佢負責記晒啲稿,我就負責食。」Phoebe亦笑說:「我哋原本唔識㗎,但係第一日開工就『撻着咗』,大家不停講嘢,原來佢係傻嘅。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇