29/10/2019
涉醉駕無畀TVB雪藏 陳偉琪喊住話戒酒
【晴報專訊】「細龍太」陳偉琪日前涉嫌酒後駕駛被捕,昨日她首度現身為劇集《愛‧回家之開心速遞》開工時,聲淚俱下指自己這次做了愚蠢的決定,並向家人、劇組及公司道歉,她亦承諾會戒酒及努力工作報答公司。
陳偉琪稱考車牌是想接載家人,但現時卻要麻煩家人接載自己。
陳偉琪上周五在跑馬地涉酒後駕駛被捕,事後她在社交網發文道歉。休息兩日後,她昨日現身無綫電視城開工,一臉憔悴的她,透露這兩天都在家中反省,她表示︰「我做咗個愚蠢嘅抉擇,好對唔住被我影響嘅所有人,呢件事不單只影響到我家人,仲影響公司同劇組,要同佢哋講聲好對唔住,仲有支持我嘅人,我知道好令大家失望。」
說到這裏,陳偉琪哽咽地感謝出事後關心她的人,包括無綫高層曾勵珍及一班《愛‧回家》的「家人」,她說︰「佢哋不單止畀我好多意見,逐個聯絡我,亦好關心我嘅心理狀況,尤其係影響咗大小姐(林淑敏)、送水輝(許家傑)、我『老公』(鄭世豪),佢哋都收到好多電話。」
被問到為何當日會酒後駕駛,陳偉琪表示︰「因為已經進入司法程序,所以唔方便透露,但我以後唔會再犯,喺度衷心向大家講對唔住,我錯咗!」
喊到雙眼紅腫
陳偉琪昨日一度飲泣,又承諾會深切反省。
被問到可擔心被雪藏?陳偉琪指自己很幸運,因她向曾勵珍解釋後獲得原諒,強調未來會很努力工作,不會再令他們失望。她又透露事件發生後哭了無數次,雙眼變得又紅又腫,但為了投入角色,要盡量控制情緒,至於會否擔心形象受損影響劇集收視?陳偉琪直言很擔心,但不是她一個人的決定,她說︰「我呢個錯影響咗好多人,我會深切反省。(戒酒?)會。(唔再揸車?)唔會,但飲酒後一定唔可以揸車。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇