【晴報專訊】前亞姐羅霖、陳綺明等昨日到大埔亞視總台，出席《2019亞洲小姐香港區決賽》記招，跟一眾香港賽區候選佳麗見面。重返娘家的羅霖笑言感覺奇妙，擔任亞姐評判的她即場傳授選美貼士。

羅霖以大師姐身份，為一眾佳麗提供選美心得。

　　羅霖昨日以今屆亞姐評判及贊助商身份到場，她表示自己當年是亞視「熄機」最後一人，如今重返娘家支持一班亞姐師妹，勾起不少回憶。她笑說：「今次班佳麗有好大驚喜，除咗樣貌之外，當中有四位係碩士，喺歷屆亞姐中算係最高學歷。」

　　羅霖寄語佳麗上台參選要身心做好準備：「參選可能係一生一次，要最佳狀態見人，除咗減肥，心理有壓力都要保持大方笑容見人。」提到她早前簽約邵氏，今次出任亞姐評判會否有牴觸？她說：「我問過公司話無問題，之前我都有幫ViuTV客串拍劇，公司畀我很大自由度，如果喺TVB就唔得。」

2號吳玥彤曾選港姐

2號吳玥彤表示選港姐及亞姐感覺不同。

　　昨日一眾候選佳麗中，有五位曾參選過港姐，2號吳玥彤更曾入圍港姐15強。吳玥彤選完港姐選亞姐，她坦言想得到冠軍：「對比賽有信心，追求夢想要堅持同努力！」問她曾與TVB簽下選美合約，短期內再選亞姐可有衝突？她表示已了解過並沒有牴觸。

李道洪（右）自掏腰包買機票回港出席記招。

　　今次亞姐香港區決賽將由陳啟泰、李道洪及丘雅雯擔任司儀，現時定居上海的李道洪說：「我自己買機票返嚟，仲要自備飯盒，不過都值得嘅。」早前亞視再傳財困，有員工疑被亞視拖糧兩個月，李道洪說：「我噚日先落機，無聽聞，對亞視唔太擔心，之前嗰啲都係傳言啫，凡事應樂觀面對。」