• |
  • 極速報價
  • |
  • 會員
  • 產品服務 / 串流版
  • 設定

02/10/2019

稱與劉愷威傳緋聞荒謬 湯洛雯怕嚇走追求者

  • 加入最愛專欄
  • 收藏文章

  【晴報專訊】湯洛雯(靚湯)和羅天宇分手後,靚湯表示不會復合,但二人再見亦是朋友。近日突然傳出靚湯與失婚的劉愷威秘密拍拖,她直指傳聞荒謬,擔心會有追求者被嚇走。

 

湯洛雯(左)與馮盈盈昨日慶祝《myTV SUPER 18台》啟播一個月。

 

  湯洛雯、馮盈盈昨午在將軍澳電視城出席《myTV SUPER 18台開台滿月》慶祝儀式,靚湯與劉愷威傳出緋聞,有指林夏薇是他們的紅娘,靚湯前日已否認戀情,強調與回復單身的劉愷威只是普遍朋友。而在昨日活動上,她重申與對方傳緋聞後已沒有聯絡,認為事件太荒謬。問她可有跟追求者約會?她表示︰「無呀!等你哋介紹,同埋你哋要寫我單身,唔好再有緋聞喇,嚇親啲追求者。」

 

劉愷威

 

  提到舊愛羅天宇對她與劉愷威送上祝福,靚湯竟笑言︰「佢試下唔祝福我,其實都唔係真,祝福啲咩呢?」她重申與羅天宇沒可能復合,因兩人已經變成好朋友,感覺像是親人。

 

  活動上,靚湯、馮盈盈與五位賽馬節目主持人一齊切蛋糕慶祝,場面熱鬧。靚湯曾經入馬場拍攝《新春開運王》,那次是她人生首次投注賽馬,她說︰「見到有隻馬名叫Unicorn,因為我好鍾意獨角獸,於是買咗100元,結果贏咗1,000元。」可有認識馬主?靚湯答道︰「我想識啲馬就真!同高海寧、莊思明傾過想去學騎馬,將來拍古裝都有幫助。」

 

馮盈盈操肌有成績

 

馮盈盈表示要努力做運動。(IG圖片)

 

  同場的馮盈盈最近在個人社交網站po上做健身運動相片,粉絲注意到其身材標青,她笑說︰「唔好講事業綫,最重要係想操出腹肌綫條,我跟男友寶寶都有一齊做gym,佢都有腹肌同老鼠仔,我哋經常喺屋企扮名模擺甫士照鏡。(男友知道你po性感相?)當然唔知!不過事後佢都讚我操肌有成績。」

 

  跟醫生男友同居的盈盈透露,最近請了「鐘點姐姐」幫手,每逢周末到家中做清潔,所以盈盈想煮飯都要擇日子,她解釋:「如果星期一煮,碗碟擺到星期六、日才有人洗,期間就要食外賣,所以一定揀星期四、五才會煮飯。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生