【晴報專訊】BOYZ成員關智斌（Kenny）與張致恒（Steven）原本今年九月合體進軍紅館，豈料Steven日前自爆已做爸爸，更被揭一腳踏幾船，形象破產，英皇急急宣布演唱會擱置。前晚Kenny面對傳媒時坦言，對於被拖累感到無奈，不少樂迷期待同屬英皇的張敬軒（軒仔）與Kenny一起開騷；有人亦撐偶像單飛闖紅館！

　　日前Steven忽然在IG宣布已為人父，粉絲雯雯為他誕下兒子，豈料，其後他的感情轇轕愈揭愈多，除了女友April、「小四」Moon、C小姐等，有傳多位圈中女星亦與Steven曾有一段情，令他獲封世紀賤男，形象破產。原本BOYZ頂替許志安在的檔期，九月首度踏上紅館，惟有鑑於Steven的風流帳愈演愈烈，英皇急急煞停演唱會。

紅館夢碎呻上天安排

Kenny拍片談到紅館夢成空時，向歌迷說聲「最大最大嘅抱歉」。

　　身為Steven好拍檔的Kenny，上周五在布吉拍片回應事件，揚言踏上紅館是BOYZ等了十多年的夢想，又指不知道如何面對演唱會突然擱置，說時眼泛淚光，令人心酸。前晚，Kenny從布吉返港，他在機場向傳媒盡訴心中情，透露Steven曾與他聯絡交代事件，自己是明白和理解的。問到演唱會因拍檔連累而胎死腹中，是否好嬲？他回應︰「無，只可以講無奈，可能這是上天安排。」

Kenny（右）與Steven情同手足，雖然今次受對方拖累，但未有嚴厲怪責好兄弟。

　　對於網民獻計由他的好友張敬軒頂上，Kenny苦笑道︰「平時我會覺得幾好笑，但今次我笑唔出。」

驚訝好拍檔女伴勁多

女粉絲雯雯為Steven秘密產子，兩人更已為囝囝搞完百日宴，令各界震驚。

　　提到Steven的女伴多，Kenny直言︰「真心我都覺得有啲驚訝，我哋平時都係講無聊嘢，我諗我知嘅同大家知嘅差唔多，我都有叫他出嚟面對事情，負番應有責任。」談及Steven被爆向女伴借錢，問可有向他借錢，Kenny稱︰「我同佢無乜點計嘅，有時他問我借，有時我問他借。（Steven是否死性不改？）我唔識答！」

近年愛上健身的關智斌，操得一雙麒麟臂，經常在網上騷肌派福利。

　　另一方面，對於煞停紅館騷一事，大部友網友也對Kenny投下信心一票，相信他可以在紅館獨挑大樑；有人更認為可以搞英皇群星拱照Kenny演唱會。