【晴報專訊】鄭秀文（Sammi）前晚舉行第九場個唱，邀得另一天后李玟（CoCo）任嘉賓。原來她們早在93年便結緣，CoCo笑言等足25年，才有機會跟偶像Sammi合唱。

鄭秀文和李玟兩位天后惺惺相惜。

　　鄭秀文前晚與李玟合唱《最傷心的人》，CoCo唱歌前搞笑說︰「呢個合唱機會我等咗25年，當時我參加新秀歌唱大賽，而Sammi已經係天王巨星，我就喺台下睇住你，好崇拜你，你嗰陣唱嗰首歌《叮噹》，我晚晚都諗起。」CoCo又即場用鬼妹口音清唱幾句副歌「叮噹叮噹」，引來觀眾哄堂大笑。Sammi亦大讚CoCo跟以前一樣關心別人，綵排時不時關心地問Sammi感覺如何，多年沒變。

　　Sammi前晚大爆CoCo烏龍事，笑言她一上台，便執到CoCo的一隻名貴耳環，而另一隻則不見了，幸好之後有工作人員拾獲。二人合唱完畢後，CoCo再獨唱一首由鄧紫棋所寫的新歌《斷了》。

獲粉絲送花生糖

鄭秀文前晚特意換新衫演出。

　　Sammi前晚亦換新衫，穿上黑色背心毛毛拖尾裙配勁大choker，雖然choker「分量十足」，戴在頸上甚重，但她仍奮力提起裙跑向四邊觀眾握手。有粉絲知道Sammi愛吃花生糖，便趁握手時送上，令她滿足地拿着回後台。