【晴報專訊】由任達華及梁詠琪（Gigi）主演的新片《小Q》，前晚在沙田新城市廣場舉行首映禮，由於日前商場發生衝突；前晚亦有大批市民聚集商場，要求商場方面交代，《小Q》首映禮臨時改為在附近的酒店舉行採訪活動，有份出席的Gigi表示不擔心安全。

梁詠琪與好姊妹楊采妮齊齊撐首映禮。

　　梁詠琪、任達華、楊采妮及羅仲謙等，前晚出席《小Q》首映禮，儀式後一眾嘉賓到戲院睇戲時，也不用行經室內商場。問Gigi會否擔心活動受影響？她說：「唔擔心，今晚（前晚）係慈善首映，買飛入場都係善長，我哋都會去戲院答謝觀眾。」她曾看試片，指電影十分感動，叮囑大家一定要帶紙巾入場。

　　任達華和羅仲謙同樣表示會睇首映，但避談政治話題。華哥說︰「講番電影，希望好似部戲咁，愛與包容、愛與忠誠。」羅仲謙亦說︰「我哋講番呢部戲，電影係宣揚愛，世界有愛，就會包容更多。」他鼓勵大家做導盲犬的寄養家庭，自己若條件許可也會嘗試。

任達華在台上與狗狗玩得不亦樂乎。

　　提到華哥囡囡任晴佳在微博貼相騷長腿，華哥表示女兒是為雜誌拍攝封面，又大讚囡囡的美腿似足琦琦，但他不鼓勵囡囡入行。他說：「拍戲嘅話要捱夜，無得瞓，我想自私啲留佢喺我身邊。」

袁澧林不提警察舊愛

袁澧林拍完《小Q》後，對導盲犬加深了解。

　　同場的袁澧林在片中飾演楊采妮女兒，提到日前網上瘋傳一名警察疑網上相約女生到警署親密會面。袁澧林前晚大方承認該警員是其前男友，但避談分手原因：「已經回應咗，係好耐之前嘅事。」對方曾否邀約她到奇怪地方？她繼續說︰「已經回應咗，唔再回應。」