本港的新型冠狀病毒確診人數不斷攀升，港大感染及傳染病中心總監何柏良更指臨近春天，潮濕天氣或會令病毒傳播得更快。所以，大家如非必要真的不要外出；而在家中最方便的娛樂，就是煲劇！不過，天天在家「單機」煲劇，又不能跟朋友大談劇情，難免寂寞無癮！幸好Netflix日前就推出官方擴充程式「Netflix Party」，讓劇迷在觀賞期間跟朋友連綫及在螢幕旁的聊天室討論劇情！好玩！此外，Netflix更宣布會購入過百套不同種類的電影及劇集於4月上架，讓大家足不出戶都唔使呻悶啦！

教你跟朋友同步睇劇！

　　疫情持續使人不敢外出，你有多少日子獨自煲劇？天天「單機」煲劇，又不能跟朋友、同事見面討論劇情，真的好寂寞！有見及此，Netflix就推出全新功能「Netflix Party」，讓你可以邀請朋友一齊同步睇電影劇集，更可以透過Chat room即時討論劇情，可以分享你對劇情的見解，一齊笑一齊駡一齊哭！

（圖片來源：網上圖片）

　　「Netflix Party」適用於PC及Mac機，大家只需在下載「Netflix Party」程式，在Chrome瀏覽器加入擴充功能，簡單幾步就可以和好友聊天啦！

　　1. 下載好「Netflix Party」程式後，在Chrome瀏覽器加入擴充功能。

　　2. 用Chrome打開Netflix，點擊右上角的程式圖示。

（圖片來源：網上圖片）

　　3. 複製連結並傳送給想一齊煲劇、傾偈的朋友。

　　4. 朋友點開連結，就可以自動加入chat room啦！

（圖片來源：網上圖片）

下頁即睇4月電影劇集推介！