新聞

21/10/2020 11:45

《古臣周記—古臣》花旗國大選投票率有望新高,藍營橫掃不容忽視

  《古臣周記》上星期阿臣同大家講過花旗國大選對孖屐造成嘅壓力,無論係侵侵(特朗普)
連任,定係民主黨拜登上場對唔同行業都帶來唔同影響,而且再加上中美關係同疫情等不明朗因
素,建議缸友睇定啲再部署。雖然係咁講,但目前距離11月3日花旗國總統大選只係得返十幾
日,而且雙方嘅民調結果亦維持以拜登領先,所以依家為可能出現嘅結果做定準備都好重要!

*大選投票率高,有望增加民調可信度*

  睇返今個星期最新嘅民調,暫時拜登嘅支持度仍然領先侵侵,不過由於出現咗拜登個仔亨特
嘅電郵門事件,支持度略有下滑,但仍然保持7個百分點左右嘅優勢。而根據花旗國民調分析機
構FiveThirtyEight嘅模型分析,拜登贏得選舉嘅機會已升至創紀錄嘅八成七!
  神州券商中金公司上星期發表針對花旗國總統選舉嘅分析報告,指出今年大選嘅投票率可能
比較高,因此準確度都會相對提升。該行指出,2016年大選民調都顯示民主黨嘅希拉里會贏
得大選,但最終預測失敗,其中一個重要原因係民主黨選民投票率偏低,因為當時部分選民對特
朗普並唔係太反感,同時亦唔算特別認可希拉里,所以連出門投票都唔願意。
  不過,四年後嘅今日各派選民嘅立場更加明確,有望提升投票率,而且喺2018年中期選
舉投票率已經高達五成,係100年以來最高。再加上,今屆目前已經有唔少選民提早投票。據
佛羅里達大學嘅數據顯示,截至本周一(19日)中午,44個州份同華盛頓特區逾2960萬
選民已經通過郵寄或投票站提前投票,票數已達上屆整體投票人數嘅兩成一,而上屆同期都係得
590萬選民提前投票。

*中金對美國大選結果5種預測*

  因此,根據以上民調結果,中金對今屆大選結果作出咗五種預測,並中可能性比較大就係,
拜登當選同時由民主黨控制國會,以及拜登當選但國會維持分割狀態。其餘三種可能性分別係侵
侵當選,不過國會完全由民主黨控制,呢個係最差嘅情況,另外仲有侵侵連任但國會分割,以及
可能性最低嘅侵侵連任兼共和黨全面控制國會。而相比以上所有結果,一旦出現選舉糾紛而導致
嘅短期政局混亂將會係最差嘅局面。
  針對較有可能出現嘅結果,該行指出,藍營(民主黨)全勝一面倒嘅局面對孖屐來講並非壞
事,因為拜登雖然主張加稅,但同時亦主張更多嘅經濟援助以及長期政府支出,所以如果民主黨
橫掃總統寶座及國會主導權,花旗國退出2021年財政刺激計劃嘅風險會較低。而喺中美關係
中,若果紅營(共和黨)嘅侵侵連任,好大機會繼續推動「花旗國優先」嘅政策,重演類似
2018年「花旗國一枝獨秀」嘅情形。但如果強調全球互利共贏嘅拜登當選,就更大機會實現
「全球復甦共振」。

*民主黨勝出利推行更大刺激措施*

  外資大行高盛星期一表示,如果民主黨勝出總統及國會大選,將釋放更多「實質性」嘅財政
刺激措施,包括喺出年通過2﹒5萬億美金嘅經濟刺激方案,並喺之後幾年繼續增加開支。而且
即使侵侵繼續留任,只要民主黨成功控制兩院,增加財政援助規模嘅障礙亦將幾乎被掃除。該行
仲話,呢啲咁大規模嘅刺激經濟計劃已足以抵銷拜登政府可能加稅嘅負面影響。
  雖然目前下一任花旗國總統寶座花落誰家仍未知道,始終「十月驚奇」大家都難以預料,但
目前民主黨橫掃或至少控制兩會嘅可能性都增加,而且拜登上場唔一定對花旗國孖屐有壞嘅影響
,所以各位缸友都要為可能出現嘅藍營橫掃局面作好準備啊!
  至於古臣個倉,本周就繼續按兵不動。

  表列截至10月21日早上11時30分阿臣投資組合表現:
 
  股份      股數     平均買入價(元)   現價(元)   總值(元)
  ---------------------------------------
  港股: 
  SPDR金ETF  10股  1097﹒00  1395﹒50   13955
  平安好醫生    200股    52﹒90   103﹒20   20640
  阿里巴巴     200股   210﹒50   301﹒00   60200
  港交所      100股   264﹒50   371﹒80   37180
  寶尊電商     100股    82﹒90    95﹒20    9520
  九龍倉置業   2000股    32﹒00    31﹒40   62800
  ---------------------------------------
  股票市值    :  204295元 
  剩餘現金    :   36414元 
  組合淨值    :  240709元 
  組合本月收益表現:   +2﹒9%(截至上月底止組合淨值:233834元)
  組合累計收益表現: +129﹒2%(本金105000元計)(2016年8月開倉)
 
  *數據截至10月21日早上11時30分

全新節目《說說心理話》原生家庭對成長有咩影響?改善溝通有計可施?► 即睇

槓桿及反向產品是一種採用衍生工具投資產品。衍生工具主要為期貨或掉期合約。

有別於傳統跟蹤指數的交易所買賣基金,槓桿及反向產品通常稱為「單日」產品,因為它的投資目標是提供相等於相關指數表現特定倍數或特定相反倍數的單日回報。

槓桿產品旨在提供相等於相關指數特定倍數的單日回報,例如,投資者買入一隻兩倍槓桿產品,當指數於某日上升10%,有關兩倍槓桿產品就應提供20%的單日回報。

至於反向產品旨在提供相反於相關指數表現特定倍數的單日回報,例如,投資者買入一隻兩倍反向產品,當指數於某日上升10%,有關反向產品就會錄得20%的單日虧損。

當你持有槓桿及反向產品超過一日,有關產品的回報,與相關指數表現的特定倍數,可能會出現偏離。
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力