27/04/2018

「未ready一齊」是藉口還是事實?明知不開心,還要繼續?

  • 加入最愛專欄
  • 收藏文章
  • 妮洛

    妮洛

    浸過幾年鹹水的港女一名,喜歡港男的同聲同氣,卻不算特別鍾情港男。
    愛幻想,愛浪漫,貪玩又愛簡單的雙重性格,喜歡戀愛也享受自由。
    最想擁有的不過是簡單的愛情,而簡單的往往最難 ...。

    港女講男

    隔周二更新

「我都唔知點解仲想同佢一齊,唉。」

 

「未一齊已經苦口苦面。」我見她開口埋口都是他,但從來無好事。

 

「佢對我態度好飄忽,好似唔在意我咁,唉。」

 

「其實你鍾意佢啲咩?」

 

「佢好識講嘢哄我開心,但當佢刻意唔理我,同其他女仔flirt,我就會好sad。」

 

  他們已曖昧一段時間,他一直說未ready。到底是未想一齊,還是不夠鍾意?

 

「佢飲醉單嘢,你唔記得啦?」

 

  上次他醉酒,有心無意的摔她電話,將酒潑在她身上,事後卻說無印象,一句道歉都沒有,無酒品很難頂,不在乎的樣子也清楚不過吧。

 

  我一直奇怪,他有甚麼值得她喜歡?!平時的花言巧語有甚麼用,有幾真心?

 

  這段關係明顯她喜歡他較多,而忽冷忽熱的他根本不太上心,多個人對自己好,why not?未一齊已如此,之後哪會有好日子。

 

「你仲想一齊?」我忍不住一語道破。

 

「或者我真係鍾意佢。」

 

「就算唔開心多過開心,都想一齊?」

 

  一句「鍾意」不是萬能,早知一起不會有幾開心,就麻煩斷、捨、離。懂你,會逗你笑的男人,比甚麼都重要,笑著打鬧,比起為他疑惑不安,灰爆的日子好得多,至少肯定省了一堆護膚品,幾層化妝品,都保證你又笑又美。

 

  如果不開心已經比開心多,還要留戀嗎?見壞就收,我們都要學會。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新節目《說說心理話》原生家庭對成長有咩影響?改善溝通有計可施?► 即睇

我要回應

You May Also Like

放大顯示
名廚食譜

Immerse yourself in Arts Month

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ